Gjatë ditës së djeshme në fshatin Vërrnicë të komunës së Vushtrrisë, dy persona janë përballur me një kërcënim serioz nga një 50-vjeçar, raporton Gazeta Sinjali.
Sinjali mëson se e gjithë ngjarja ka ndodhur në pikë të ditës, kur dy burrat kishin dalë që t’i dërgojnë fëmijët në shkollë. Aty më pas me veturë kishte ardhur 50-vjeçari, me të cilin dyshohet se kishin pasur një mosmarrëveshje lidhur me një rrugë të fshatit.
Kjo dyshohet të jetë edhe motivi i cili shtyu 50-vjeçarin që t’u drejtohet dy burrave më fjalët “çka p’e vajtoni rrugën se jau q* nanën kallash iu korri“.
Për të evituar konfliktin e mundshëm, dy burrat u larguan që aty dhe më pas denoncuan rastin në Polici.
Njësitet policore kanë shoqëruar në stacion policor personat e përfshirë në rast për intervistim.
Me vendim të prokurorit, ndaj të dyshuarit është caktuar masa e ndalimit në kohëzgjatje prej 48 orësh.